जापानमा बसोबास गर्ने विदेशी बासिन्दाहरूको संख्या वर्षेनी बढ्दै गएको छ।
तर, विदेशी बासिन्दाहरूले भाषा, परम्परा, सामाजिक प्रणाली, कानुनी व्यवस्था र जीवनशैली फरक हुँदा, "जानकारीको कमी" र "एक्लोपन" को पर्खालको सामना गर्दै, जापानमा बस्दा चिन्ता र समस्याहरू महसुस गर्नु असामान्य होइन।
अर्कोतर्फ, विदेशी बासिन्दाहरूका लागि प्रशासनिक र सामाजिक सेवाहरू तथा दैनिक जीवनका जानकारीहरूमा पहुँच सजिलो छैन। प्रश्नहरू वा चिन्ताहरू भए पनि विश्वसनीय परामर्श स्थान फेला पार्न नसक्दा, जापानी बासिन्दाहरूसँगको अन्तरक्रिया अझै पनि गहिरो हुन सकेको छैन।
हामीले विदेशी बासिन्दाहरूलाई जापानी समाजमा सहज रूपमा घुलमिल गर्न र जापानी बासिन्दाहरूसँग आपसी समझदारी बढाउनका लागि विभिन्न सहयोगी कार्यक्रमहरू र सेवाहरू उपलब्ध गराउँदै आएका छौं।

हाम्रो दैनिक जीवन पहिले नै बहुसांस्कृतिक र अन्तरसांस्कृतिक अनुभवहरूले भरिएको छ।
जापानमा अद्भुत संस्कृति छ र संसारभर पनि धेरै उत्कृष्ट संस्कृति छन्। यी उत्कृष्ट संस्कृतिहरूको भेटले नयाँ मूल्यहरूको सिर्जना गर्ने सम्भावना राख्दछ।
आफ्नो संस्कृति प्रति सचेत रहनु कठिन हुन सक्छ तर फरक संस्कृतिका व्यक्तिहरूसँगको भेटघाटले हामीलाई हाम्रो आफ्नै संस्कृति पुनः पहिचान गर्न र अरूको सांस्कृतिक पृष्ठभूमिको महत्त्वलाई बुझ्न मद्दत गर्दछ। यसरी संस्कृति प्रति संवेदनशीलता देखाउने क्षमता भविष्यको युगमा अनिवार्य छ।
हामी विभिन्न संस्कृतिका मानिसहरूले राख्ने "भिन्न" क्षमता, संवेदनशीलता, र विचारहरूको "ज्ञान" को संयोजनद्वारा रचनात्मक नयाँ मूल्यको सिर्जना गर्ने लक्ष्य राख्छौं।

विदेशी बासिन्दाहरू जापानी समाजका नयाँ सदस्यहरू हुन्।
हामी विदेशी बासिन्दाहरू विदेशी समुदायमा मात्र सीमित नभई, फराकिलो र सहज रूपमा समाजमा घुलमिल भएर समाजमा समृद्धि, ऊर्जा, र सिर्जनशीलता ल्याउने साथी बन्ने कामना गर्दछौं, र त्यसको प्राप्तिका लागि, साना साना क्रियाकलापहरूलाई निरन्तरता दिने प्रयासमा कुनै कसर बाँकी राख्दैनौं।

हामीसँग तीनवटा मार्गदर्शक सिद्धान्तहरू छन्, र ती आधारमा हामी आफ्ना गतिविधिहरू सञ्चालन गर्दैछौं।

तपाईं पनि हाम्रो सहयाेगी बन्न चाहनुहुन्छ? स्वयंसेवक बन्न सबै भन्दा महत्वपूर्ण शर्त भनेकाे "जापानमा बसोबास गर्ने" र सदस्य बन्ने शर्त भने "जापानीहरूसँग मिलेर जीवन यापन गर्न चाहने" इच्छा हो।

　यही आवाहनबाट सुरु भएको "ओतोनारी-सान् फामिली फ्रेन्ड प्रोग्राम"ले ३ वर्षको अवधिमा अपेक्षाभन्दा बढी सहभागीहरूलाई आकर्षित गरेको छ र तीव्र गतिमा विस्तार भइरहेको छ। सहभागीहरूका बीचमा नयाँ सम्बन्धहरू फैलिन थालेका छन्, र सुरुवातमा सोचिएको भन्दा धेरै विविध गतिविधिहरू शुरू भएका छन्।

　यसका साथै, धेरै नयाँ चुनौतीहरू पनि उभिएका छन्। विशेष गरेर यी तीन वर्षमा, कोरोना भाइरसको महामारी, युक्रेनसहितका विभिन्न स्थानमा भएको युद्ध, आन्तरिक द्वन्द्व र सङ्घर्ष, खाद्य र ऊर्जा संकटको विस्तार, र जलवायु परिवर्तनका कारण सिर्जना भएका समस्याहरू एकैपटक सतहमा आएका छन्। हामी पनि हाम्रो गतिविधिको सफल विस्तार र उपलब्धिहरूको आनन्द लिन नपाउँदै, शरणार्थी समस्या लगायत नयाँ अन्तर-सांस्कृतिक आदानप्रदानका चुनौतीहरूमा काम गर्न थालिरहेका छौं।

　सही जानकारीको आदानप्रदान गरेर, देश र संस्कृतिलाई पार गर्दै छिमेकमा वा कार्यस्थलमा रमाइलो सम्बन्ध विस्तार गर्न चाहन्छौं। यो प्रारम्भिक चाहना अपरिवर्तित छ। तर यसको प्राप्तिका लागि, हामीले अहिलेसम्म आह्वान गरेका कार्यक्रमहरूमा प्रत्यक्ष सहभागिताको अतिरिक्त, अझ नवीन र विविध दृष्टिकोण, प्रतिभा र विचारहरूको प्रस्ताव जस्ता कुराहरूमा तपाईंहरूको सहयोग र समर्थन आवश्यक छ। विशेष गरी वित्तीय समर्थन एक आपतकालीन मुद्दा हो। आउनुहोस् "सानो रमाइलो सम्बन्धहरूको निर्माणबाट, विश्वव्यापी सहिष्णुतातर्फ" भन्ने सपनालाई साकार पार्न हामी सँगै काम गरौं।

अध्यक्ष इशिकावा नोरिहिको

२०२३ मे

JII(जेआइआइ) विविधतालाई उपयोग गर्दै सांस्कृतिक समन्वयलाई व्यवहारमा ल्याउनका लागि स्थापना गरिएको संस्था हो।
जापानमा बसोबास गर्ने विदेशीहरूलाई विभिन्न दृष्टिकोणबाट समर्थन गरेर, केवल बस्न सहज समाज निर्माणमा मात्र होइन, सँगै बाँच्ने ज्ञान र एकल संस्कृतिमा नदेखिएको नयाँ मूल्यको सिर्जना गर्ने लक्ष्य राखिएको छ।
हामी हाम्रो सिद्धान्त र गतिविधिहरू धेरै मानिसहरूसम्म पुर्‍याउने, विदेशीहरूबीचको समुदायमा मात्र सीमित नरही, यस विषयमा चासो राख्ने जापानी नागरिकहरूको सहभागिता पनि प्रोत्साहित गर्ने, र संस्कृतिहरूबीचको आपसी समझदारीलाई गहिरो बनाउने वातावरण सिर्जना गर्दैछौं।

साक्षात्कार वा मिडिया समावेश सम्बन्धमा, सकेसम्म हामी तपाईंलाई सहयोग गर्न चाहन्छौं, तर प्रकाशनको उद्देश्य वा सामग्रीअनुसार तपाईंको अपेक्षामा खरा उत्रन नसकिने अवस्था पनि हुन सक्छ, कृपया यसलाई बुझिदिनुहोस्। ※साक्षात्कार र मिडिया समावेशको विवरण यहाँ हेर्नुहोस्